راولپنڈی(آن لائن) ڈ ی جی آئی ایس پی آر میجر جنرل آصف غفور سے چینی نائب سفیر لی جیان نے ملاقاتے کی جس مین دوطرفہ تعلقات سمیت خطے کی صورتحال اور باہمی دلچسپی کے امور پر تبادلہ خیال کیا گیا، بدھ کے روز چین سفارتخانے کے ناظم الامور لی جیان نے آئی ایس پی آر کا دورہ کیا، جہاں پر انہوں نے میجر جنرل آصف غفور سے ملاقات کی جس میں پاک چین تعلقات میں مضبوطی اور سی پیک کی سکیورٹی سمیت
باہمی دلچسپی کے امور پر بات چیت کی گئی، میجر جنرل آصف غفور نے دونوں ممالک کی فوج کے درمیان تعلقات بڑھانے پر بھی تبادلہ خیال کیا، ملاقات میں چینی نائب سفیر نے دونوں ممالک کی فوج کے درمیان تعلقات کے فروغ پر آئی ایس پی آر کے کردار کی تعریف کرتے ہوئے کہا کہ آئی ایس پی آر کے پاس انتہائی قابل اور محنتی ٹیم موجود ہے، انہوں نے کہا کہ پاک چین کی دوستی مستقبل میں مزید مضبوط اور مستحکم ہوگی۔
