اسلام آباد(مانیٹرنگ ڈیسک) تربت کے علاقہ دشت میں دہشت گردوں نے ایف سی کے قافلے پر حملہ کردیا ،2ایف سی اہلکارشہید ہوگئے۔ نجی ٹی وی کے مطابق دہشت گردوں نے اپنےحملے میں ایف سی اہلکاروں کو فائرنگ کا نشانہ بنایا جس کے نتیجے میں دو ایف سی

اہلکار موقع پر شہید ہو گئے ۔ فائرنگ کے واقعہ کے بعد سکیورٹی فورسز نے علاقہ کو گھیرے میں لے لیا ۔ علاقہ میں تاحال فائرنگ کا تبادلہ جاری ہے۔ فائرنگ سے ملحقہ علاقوں میں خوف و ہراس پھیل گیا ہے۔واضح رہے کہ تربت کے علاقے دشت میں بھی اس سے پہلے کئی حملے ہوچکے ہیں۔