اسلام آباد (آن لائن) پاکستان تحریک انصاف کے سربراہ عمران خان نے کہاہے کہ دعا ہے کلثوم نواز کینسرکیخلاف جنگ جیتیں۔ پی ٹی آئی کے چیئرمین عمران خان نے سماجی رابطے کی ویب سائٹ ٹوئٹر پر سابق وزیراعظم نواز شریف کی اہلیہ کلثوم نواز کی صحتیابی کے لئے نیک خواہشات کا اظہار کیا۔عمران خان کا ٹوئٹ میں کہنا تھا کہ دعا ہے کلثوم نواز کینسر کیخلاف جنگ جیتیں۔یاد رہے کہ وزیراعظم نواز شریف کی اہلیہ کی گردن میں تکلیف کے باعث کچھ طبی ٹیسٹ لیے گئے،
جس سے پتہ چلا کہ کلثوم نواز گلے کے کینسر میں مبتلا ہے۔برطانوی ڈاکٹرز کا کہنا ہے کہ کلثوم نواز کا گلے کا کینسر ابھی ابتدائی مرحلے میں ہے اور پیچیدہ مرحلے میں داخل نہیں ہوا ہے چنانچہ یہ قابل علاج ہے، جس کا علاج سینٹرل لندن اسپتال میں ممکن ہے۔خیال رہے سابق سابق وزیراعظم کی اہلیہ اپنے شوہر کی نااہلی کے بعد خالی ہونے والی نشست این اے 120 سے مسلم لیگ (ن) کی جانب سے ضمنی الیکشن میں حصہ لے رہی ہے۔
