اسلام آباد (مانیٹرنگ ڈیسک ) چوہدری نثار کی جانب سے ڈان لیکس کی رپورٹ کو پبلک کر نے کے بیان پر سابق وزیر اطلاعات پرویز رشید کا بھی ردعمل آگیا۔سابق وزیر اطلاعات پرویز رشید نے کہا ہے کہ ڈان لیکس کی رپورٹ پبلک ہو نی چاہیے ،رپورٹ لکھنے والوں نے پوری کوشش کر کے میرے نکالے جانے کی وجہ کو اچھی طرح ثابت کیا ہو گا ۔انہوں نے کہا کہ میرا ڈان لیکس
کی رپورٹ سے کوئی تعلق نہیں ،مجھ پر الزام لگا یا گیا کہ میں نے خبر کو رکوایا نہیں ۔انہوں نے کہا کہ میری نوکری تو پہلے ہی چھین لی گئی تھی ،مجھے ڈان لیکس پر جے آئی ٹی بننے سے پہلے ہی نکال دیا گیا تھا ۔ان کا کہنا تھا کہ جنہوں نے ڈان لیکس کی رپورٹ لکھی ہو گی انہوں نے پوری کوشش کر کے میرے نکالے جانے کی وجہ کو اچھی طرح ثابت کیا ہو گا ۔
