اسلام آباد (آن لائن ) پاکستان تحریک انصاف نے پارٹی ٹکٹس کے اعلان کے حوالے سے خبروں کی مکمل تردید کر دی. تفصیلات کے مطابق تحریک انصاف کے سینیئر رہنما شفقت محمود نے کہا ہے کہ زیرِ گردش اطلاعات مکمل طور پر غلط اور قیاس ارائیوں پر مبنی ہیں، تحریک انصاف نے ابھی تک ٹکٹس کے حوالے سے کوئی فیصلہ نہیں کیا،تحریک انصاف میں ٹکٹس کا فیصلہ چیئرمین کی سربراہی میں
تشکیل پانے والا پارلیمانی بورڈ کرے گا، شفقت محمود کا مزید کہنا تھا کہ پارلیمانی بورڈ کا اب تک ایک بھی اجلاس نہیں ہوا، پارلیمانی بورڈ کے علاوہ ٹکٹس کے فیصلوں کا کوئی طریقہ کار نہیں، پارلیمانی بورڈ کے اجلاس سے قبل ٹکٹوں کے حوالے سے اطلاعات میں صداقت ہے نہ ہی ان کی کوئی اہمیت، انہوں نے کہا کہ اس حوالے سے ذمہ داری کا مظاہرہ کرتے ہوئے قیاس آرائیوں سے گریز برتا جائے۔
