اسلام آباد (مانیٹرنگ ڈیسک) ٹوئٹر پر تصویر جاری، مریم نواز نے حمزہ شہباز کے بارے میں بڑا دعویٰ کر دیا، تفصیلات کے مطابق سابق وزیراعظم میاں محمد نوازشریف کی صاحبزادی مریم نواز نے سماجی رابطے کی ویب سائٹ ٹویٹر پر اپنے پیغام میں شریف خاندان سے متعلق تمام قیاس آرائیوں کو جھوٹا اور من گھڑت قرار دیتے ہوئے کہا کہ شریف فیملی میں اختلافات کی قیاس آرائیاں کرنے والے منہ کی کھائیں گے۔

سابق وزیراعظم نواز شریف کی صاحبزادی مریم نواز نے ایک تصویر کا حوالہ دیتے ہوئے کہا کہ حمزہ شہباز اور پرویز ملک این اے 120 کے حوالے سے میٹنگ کر رہے ہیں، ترجمان مسلم لیگ (ن) نے اپنے بیان میں کہا کہ شریف فیملی میں اختلافات مخالفین کی خواہش ہو سکتی ہے اور مخالفین کی یہ خواہش کبھی پوری نہیں ہو گی۔ پرویز ملک کو این اے 120 کی ذمہ داری سونپی گئی ہے اور ان کی معاونت مریم نواز اور حمزہ شہباز ہی کر رہے ہیں۔