لاہور(آن لائن)سابق وزیراعظم نواز شریف کا دورہ لالہ موسی اور وزیر آباد منسوخ کر دیا گیا، واک تھرو گیٹس ہٹا دیئے گئے جبکہ سکیورٹی اہلکار بھی واپس چلے گئے، حامد کے غریب والدین انتظار کرتے رہ گئے۔تفصیلات کے مطابق سکیورٹی کلیئرنس نہ ہونے کے باعث نواز شریف کا دورہ منسوخ کر دیا گیا۔ سابق وزیر اعظم نے مشن جی ٹی روڈ کے
دوران ان کے قافلے میں شامل گاڑی کے نیچے آکر جاں بحق ہونے والے بچے حامد کے گھر اظہار تعزیت کے لیے آنا تھا اورحامد کے غریب والدین انتظار کرتے رہ گئے۔دوسری طرف وزیر آباد کے باسیوں کوبھی مایوسی کا سامنا کرنا پڑا جہاں سکیورٹی خدشات کے پیش نظر جلسہ منسوخ کرنا پڑا، سابق وزیر اعظم نوازشریف کو وزیر آباد میں جلسہ عام سے خطاب کرنا تھا۔
