اسلام آباد (مانیٹرنگ ڈیسک) این اے 120 کا انتخابی معرکہ، یاسمین راشد سمیت تحریک انصاف کے تمام امیدوار باہر، مخالفین نے انوکھی چال چل دی، تفصیلات کے مطابق این اے 120 سے تحریک انصاف کی خاتون امیدوار ڈاکٹر یاسمین راشد کے کاغذات نامزدگی مسترد کرنے کے لیے درخواست دائر کر دی گئی ہے۔ یہ درخواست پیپلز پارٹی کے امیدوار فیصل میر نے جمع کرائی۔ انہوں نے اس درخواست میں مؤقف اختیار کیا کہ تحریک انصاف کے خلاف فارن فنڈنگ

کیس عدالت میں زیر سماعت ہے اس کے علاوہ تحریک انصاف کے چیئرمین عمران خان کی نا اہلی کے کیسز بھی زیر سماعت ہیں اور تحریک انصاف پر بیرون ممالک سے فنڈنگ کے بھی الزامات ہیں۔ پیپلز پارٹی کے رہنما فیصل میر نے کہا کہ یاسمین راشد کی جماعت پر فارن فنڈنگ کے الزامات ہیں۔ اس لیے انہوں نے درخواست میں عدالت سے استدعا کی کہ ڈاکٹر یاسمین راشد کا تعلق کیوں کہ اس جماعت سے ہے اس لیے ان کے کاغذات نامزدگی مسترد کیے جائیں۔