اسلام آباد(مانیٹرنگ ڈیسک)عامر لیاقت حسین کے بعد اداکار و اینکر پرسن ساجد حسن نے بھی بول ٹی وی کو خیر باد کہہ دیا، اپنے ایک پیغام میں ساجد حسن نے کہا کہ انہوں نے 2 سال تک سمجھوتہ کیا لیکن انہیں اس کا کوئی انعام نہیں ملا۔ میری غلطی ہی یہ تھی کہ میں نے سمجھوتہ کیاجو مجھے نہیں کرنا چاہیے تھا، لیکن اچھی چیز یہ ہے کہ اب میں آزاد ہوں اور مجھے اپنی آزادی واپس مل گئی ہے، گندی اور بیہودہ سیاست، قاتل سیاست ،

اب میں تم پر بات نہیں کرتا، اللہ کا شکر ہے۔ دوسری جانب بول نیٹ ورک کی انتظامیہ کا کہنا ہے کہ ساجد حسن کی مصروفیات کے باعث انہیں بول انٹرٹینمنٹ منتقل کردیا گیا ہے اور جب بھی وہ بڑے پراجیکٹس سے فارغ ہوں گے تو دوبارہ بول نیوز پر نظر آئیں گے۔واضح رہے کہ اس سے پہلے عامر لیاقت نے بھی بول نیٹ ورک کو چھوڑنے کا اعلان کیا تھا اور اب انکی ہم نیٹ ورک میں شامل ہونے کی خبریں سامنے آرہی ہیں۔