اسلام آباد(مانیٹرنگ ڈیسک)حکومت کی طرف سے جاری کئے گئے صحت کارڈ پر سابق وزیراعظم کی تصویر ہونے کی وجہ سے لاکھوں کارڈ ضائع ہوگئے ہیں،جس سے کروڑوں کا نقصان ہوا ہے،دبئی کی کمپنی نے کلیم کر لئے۔تفصیلات کے مطابق سابق وزیر اعظم میاں محمد نواز شریف کی تصویر صحت کارڈ پر چھپنے سے قومی خزانہ کو کافی نقصان ہوا ہے،یہ کارڈ دبئی سے تیار ہو کر پاکستان آئے،کارڈدبئی کی کمپنی ٹایابیلی ٹیکنالوجیز سے تیار کروائے گئے ہیں،

ابتدائی طور پر30لاکھ کی ادائیگی کی گئی صحت کارڈ بنوانے کےلئے سٹیٹ لائف انشورنس نے آرڈر دیا تھا،صحت کارڈ دبئی کمپنی نے پاکستان کو تیار کر کے دیئے لیکن سابق وزیراعظم میاں محمد نوازشریف کی نااہلی کی وجہ سے سابق وزیراعظم میاں محمد نوازشریف کی صحت کارڈ پر تصویر چھپے ہونے کی وجہ سے تمام کارڈ ضائع ہوگئے ہیں جس سے خزانہ کو کروڑوں کا نقصان ہوا ہے،صحت کارڈ اب دوبارہ بنانے کا آرڈر کیا جائےگا جس پر سابق وزیراعظم میاں محمد نواز شریف کی تصویر نہیں ہوگی۔

موضوعات:صحت کارڈ