راولپنڈی (آن لائن) عوامی مسلم لیگ کے سربراہ شیخ رشید نے کہاکہ عمران خان کے بعد میں بھی حدیبیہ ریفرنس میں نیب جائوں گا لیکن ہم چاہتے ہیں نواز شریف جیل جانے کی بجائے سڑکوں پر دھکے کھائیں ۔ ان خیالات کا اظہار شیخ رشید نے مقامی سکول میں جشن آزادی کی تقریب سے گفتگو میں کیا انہوں نے کہا کہ انتظار ہے کہ کب نواز شریف فیصلے پر نظرثانی درخواست دیں گے اور میں نے عمران خان کو مشورہ دیا ہے
کہ وہ حدیبیہ ریفرنس میں نیب میں جائیںان کے بعد میں بھی حدیبیہ ریفرنس میں نیب میں جائوں گا ۔ انہوں نے کہا کہ ایل این جی کا کیس شاہد خاقان عباسی کے خلاف لے کر عدالت میں جائوں گا اور اگر کیس میں کرپشن ثابت نہ کر سکا تو سیاست چھوڑ دوں گا ۔ شیخ رشید نے کہا کہ ہمارے لڑکے اور لڑکیاں قابل ہیں لیکن لڑکوں کی نسبت لڑکیاں قابل ہیں اور اگر لڑکوں کی تعلیم میں ناکامی کی یہ حالت رہی تو انہیں وظیفہ دینا پڑے گا ۔
