اسلام آباد (مانیٹرنگ ڈیسک) سادگی پسند وزیراعظم شاہد خاقان عباسی کی کراچی آمد، پروٹوکول ایسا کہ جس نے دیکھا دیکھتا ہی رہ گیا، تفصیلات کے مطابق وزیراعظم شاہد خاقان عباسی کے شاہانہ پروٹوکول میں 39 گاڑیاں شامل تھیں، سادہ وزیر اعظم کا کراچی میں 39 گاڑیوں کا قافلہ کراچی کی سڑکوں کی زینت بنا تو دیکھنے والے دیکھتے رہ گئے۔ وزیر اعلیٰ سندھ جو کہ پروٹوکول کے خود سخت مخالف ہیں
مگر وزیر اعظم شاہد خاقان عباسی کو پروٹوکول دینے پر مجبور ہو گئے۔ آئی جی سندھ نے سندھ پولیس کے تمام اہلکاروں اور افسران کو وزیر اعظم کے پروٹوکول پر تعینات کر دیا۔ وزیراعظم شاہد خاقان عباسی کی کراچی آمد کے باعث شاہراہوں کو بھی بند کردیا گیا۔ کراچی میں پہلی مرتبہ ایسا ہوا کہ گورنر ہاؤس کے اطراف کی تمام شاہراہوں کو بند کیا گیا، اس کی وجہ سے عوام کو شدید مشکلات کا سامنا کرنا پڑا ہے۔
