اسلام آباد (مانیٹرنگ ڈیسک) شرمناک تصاویر، تحریک انصاف کی رہنما شیریں مزاری کی بیٹی ایمان مزاری نے حیرت انگیز وضاحت کر دی، تفصیلات کے مطابق پاکستان تحریک انصاف کی رہنماء شیریں مزاری کی بیٹی ایمان مزاری کی سوشل میڈیا پر تصویریں لیک ہو گئیں۔ انہوں نے سوشل میڈیا پر تصاویر لیک ہونے کے معاملے پر اپنے موقف میں کہا کہ انہوں نے ہم جنس پرستوں کے ساتھ امتیازی سلوک اور انہیں تنگ کئے جانے کی مخالفت کی تھی جس کی وجہ سے 4 سے 5 سال پرانی تصاویر دوبارہ شیئر کی گئی ہیں۔
فیس بک پر اپنے بیان میں ایمان مزاری نے کہا کہ ’’اس پوسٹ کے ضروری ہونے کی واحد وجہ مجھے موصول ہونے والے پیغامات کا سیلاب ہے جن میں مجھ سے ان تصاویر کے بارے میں پوچھا جا رہا ہے جو انٹرنیٹ پر گردش کر رہی ہیں۔ مجھے اس معاملیکی کوئی پرواہ نہیں، اس پر میں پرواہ کرتی تھی اور انٹرنیٹ پر خود کو ڈانٹنے کی اجازت دیتی تھی۔ انہوں نے کہا کہ وقت اور عمر گزرنے کے ساتھ ہمت ملتی ہے۔ میں نے دو سال پہلیہم جنس پرستوں کے ساتھ امتیازی سلوک سے متعلق اپنی رائے کا اظہار کیا تھا۔ اس وقت کچھ بزدل لوگوں نے میری چند تصاویر حاصل کر لیں اور اب انہیں انٹرنیٹ کے ذریعے پھیلا کر مجھے ہم جنس پرست کہا۔ ایمان مزاری نے کہا کہ میں نے کچھ دن پہلے گورنمنٹ، بیورو کریسی اور فوج پر تنقید کی اور اس کے جواب میں 4 سے 5 سال لی گئی وہی تصاویر ممکنہ طور پر ایک سے زائد ایجنڈوں کے تحت دوبارہ انٹرنیٹ پر وائرل کر دیں۔ میں یہ سمجھتی ہوں کہ یہ سلسلہ کبھی نہیں رکے گا۔ یہ ایک علاقائی مسئلہ ہے، پوری دنیا خواتین پر ہمیشہ پوائنٹ سکورنگ ایجنڈے کے تحت اعتراض اٹھایا جاتا ہے، خواتین کو استعمال کرنے کے ساتھ ساتھ ہراساں بھی کیا جاتا ہے۔ ایمان مزاری نے کہا کہ میں جو کچھ بھی ہوں اور میں کسی بھی معاملے پر جو بھی موقف رکھتی ہوں، اس کے لیے میں کوئی معافی نہیں مانگوں گی۔ میں پہلے بھی نہیں رکی تھی اور اب بھی نہیں رکوں گی۔ اور مجھے اپنے طرز زندگی اور کپڑوں پر کوئی شرمندگی نہیں۔ جو لوگ میری تصاویر شیئر کر رہے ہیں انہیں چاہیے کہ میری زندگی میں مداخلت کرنے کے بجائے اپنی زندگی پر دھیان دیں۔
