اسلام آباد (مانیٹرنگ ڈیسک) راحیل شریف کے ’’چمچے‘‘ نواز شریف کو کیا کرنے کا مشورہ دے رہے ہیں؟ حامد میر کا حیرت انگیز انکشاف، تفصیلات کے مطابق ایک نجی ٹی وی پروگرام میں سینئر صحافی حامد میر سے سوال کیا گیا کہ جس فیصلے کے بارے میں آج نواز شریف دکھی ہو رہے ہیں اس کا پٹیشنر کون تھا؟ اس کے جواب میں سینئر صحافی و تجزیہ کار حامد میر نے کہا کہ یوسف رضا گیلانی کے خلاف ن لیگ اور تحریک انصاف دونوں نے پٹیشنز دائر کی تھیں، سابق وزیراعظم یوسف رضا گیلانی جب استعفیٰ نہیں دے رہے تھے،

تو اس وقت نواز شریف کہہ رہے تھے کہ استعفیٰ دو گھر جاؤ، پھر میں دیکھوں گا پھر تم واپس آؤ، تو یہ پوری قوم کو بے وقوف بنانے کی کوشش کی جا رہی ہے اور مجھے افسوس اس بات کا ہے کہ ہماری کمیونٹی میں سے وہ لوگ سویلین بالادستی کی بات کر رہے ہیں جو کہ جنرل راحیل شریف کے چمچۂ خاص تھے جو پرویز مشرف کے چمچے تھے، حامد میر نے کہا کہ میں چمچے کا لفظ بہت سوچ سمجھ کر یہ ادا کر رہا ہوں، یہ سارے ماضی کے ڈکٹیٹروں کے چمچے تھے، پرویز مشرف کے چمچے آج سویلین بالادستی کی بات کر رہے ہیں۔