اسلام آباد (مانیٹرنگ ڈیسک)لاہور کے بعد بلوچستان کا شہر آواران دھماکے سے گونج اٹھا، دو افراد جاں بحق جبکہ دو شدید زخمی ہو گئے۔ تفصیلات کے مطابق بلوچستان کے شہر آواران کے علاقے مشکے میں دھماکے کے نتیجے میں دو افراد جاں بحق جبکہ دو شدید زخمی ہو گئے ہیں جنہیں انتہائی تشویشناک حالت میں ہسپتال منتقل کر دیا گیا ہے۔مدادی ٹیمیں اور سیکیورٹی فورسز
کے اہلکار جائے دھماکہ پر پہنچنا شروع ہو گئے ہیں۔ علاقے کو گھیرے میں لے کر ضروری کاروائی شروع کر دی گئی ہے۔واضح رہے کہ دو روز قبل پاکستان کے صوبہ پنجاب کے دارالحکومت لاہور کے علاقے سگیاں والا پل کے قریب ٹرک میں دھماکہ کے نتیجے میں 35سے زائد افراد زخمی جبکہ ایک شخص زخموں کی تاب نہ لاتے ہوئے جاں بحق ہو چکا ہے۔
