اسلام آباد (آن لائن) سابق وزیراعظم نواز شریف نے جی ٹی روڈ سے لاہور جانے کا فیصلہ ملتوی کر دیا۔ میڈیا رپورٹس کے مطابق مسلم لیگ (ن) کا بدھ کے روز جی ٹی روڈ سے لاہور جانے کا پلان تھا اور خفیہ اداروں نے اطلاعات دی تھیں کہ سابق وزیراعظم کی جان کو خطرہ ہو سکتا ہے جس کے بعد وزیر داخلہ احسن اقبال نے نواز شریف کو ریلی کی صورت میں نہ جانے کا مشورہ دیا اور ان کا مشورہ مانتے ہوئے ریلی کا فیصلہ ملتوی کر دیا گیا ہے ۔

و اضح رہے کہ اس سے قبل موٹروے سے جانے کا فیصلہ بھی ملتوی کیا گیا تھا نواز شریف کی لاہور واپسی اور آئندہ کے لائحہ عمل کا فیصلہ آج متوقع ہے۔واضح رہے کہ گزشتہ شب لاہور میں زورداردھماکہ ہوا تھا جس کی وجہ سے بوروڈ پر واقع شادی ہال اور ملحقہ عمارتیں متاثر ہوئی ہیں، ذرائع کے مطابق مقامی کالج کی عمارت بھی جزوی طورپر منہدم ہوگئی ہے جس کے نیچے کئی افراد ملبے تلے دب گئے ہیں، دھماکے میں ایک شخص جاں بحق اور 40 زخمی ہو گئے تھے ،پولیس نے علاقے کو گھیرے میں لے کر تفتیش شروع کردی ہے،