اسلام آباد (مانیٹرنگ ڈیسک) عائشہ احد کا عمران خان سے رابطہ، کیا گفتگو ہوئی؟ تفصیلات کے مطابق تحریک انصاف کے چیئرمین عمران خان نے سماجی رابطے کی ویب سائٹ ٹویٹر پر اپنا پیغام جاری کرتے ہوئے کہا کہ عائشہ احد نے مجھ سے رابطہ کرکے یہ درخواست کی ہے کہ ان کی بیٹی اور ان کی اپنی جان کو بھی خطرہ ہے۔
عمران خان نے کہا کہ وزیراعظم شاہد خاقان عباسی اور پولیس کی ذمہ داری ہے کہ وہ عائشہ احد کو شریف مافیا سے بچانے کے لئے سیکیورٹی فراہم کریں۔ عمران خان نے اپنے ٹوئٹر پیغام میں خواتین کے حقوق کے لیے کام کرنے والی تنظیموں کو مخاطب کرتے ہوئے کہا کہ وہ عائشہ احد کو انصاف دلانے کے لیے اپنا کردار ادا کریں۔
