اسلام آباد (مانیٹرنگ ڈیسک) عمران خان پر نامناسب میسجز کا الزام لگانے والی عائشہ گلا لئی نے تین سال قبل ایک نجی ٹی وی کے عملہ میں اپنی بالیاں چرانے کا الزام بھی لگایا تھا۔ تجزیہ کار ارشاد بھٹی کے مطابق عائشہ گلا لئی نجی ٹی وی کے پروگرام میں شریک تھیں پروگرام ختم ہونے کے بعد وہ چلی گئیں لیکن کچھ دیر بعد دوبارہ واپس آئیں اور کہا کہ وہ یہاں جیولری بھول گئی ہیں
جب پروگرام کی میز پر دیکھا گیا تو وہاں کچھ بھی نہ تھا لیکن وہ بضد رہیں کہ ان کی بالیاں تھیں۔ انہیں تمام سی سی ٹی وی فوٹیج دکھائی گئیں جس سے واضح ہوا کہ وہ جیولری پہن کر ہی نہیں آئی تھیں لیکن محترمہ پھر بھی بضد رہیں۔ تجزیہ نگار نے مزید کہا کہ اگر یہ جھوٹ ہے تو عائشہ گلا لئی ٹی وی پر آ کر تردید کر دیں۔واضح رہے کہ عائشہ گلالئی عمران خان پر نامناسب میسجز کا الزام لگا کر خبروں کی زینت بنی ہوئی ہیں۔
