اسلام آباد (مانیٹرنگ ڈیسک) تحریک انصاف کو مکمل طور پر ختم کرنے کا منصوبہ بے نقاب، عائشہ گلالئی اسلام آباد جلسے میں سٹیج پر کیا کرنے والی تھیں؟ تفصیلات کے مطابق سینئر صحافی مبشر لقمان نے ایک نجی ٹی وی پروگرام میں گفتگو کرتے ہوئے کہا کہ عائشہ گلالئی کو ایک اسکرپٹ لکھ کر دیا گیا تھا اور یہ بیانات عائشہ گلالئی نے تحریک انصاف کے یوم تشکر کے موقع پر دینے تھے، اس کے لیے عائشہ گلالئی نے تقریر کرنے کی ضد بھی کی مگر
انہیں اس کی اجازت نہیں ملی، مبشر لقمان نے مزید کہا کہ عائشہ گلالئی نے منصوبے کے مطابق تحریک انصاف کے چیئرمین عمران خان کے خلاف ہتک آمیز الفاظ کہنے تھے تو اس وقت عین ممکن تھا کہ کوئی پارٹی رہنما آگے بڑھ کر ان کو روکتا اور مائیک چھین لیتا۔ اس کے بعد یہ تصاویر اور وڈیو سوشل میڈیا کی وساطت سے پوری دنیا میں پھیل جاتیں، انہوں نے کہا کہ یہ ایک ایسا ماسٹر پلان تھا جو عمران خان اور تحریک انصاف کو ختم کرنے کے مترادف تھا۔
