اسلام آباد (این این آئی) مسلم لیگ (ن) کے نامزد وزیراعظم شاہد خاقان عباسی نے کہا ہے کہ میں وزیراعظم ہاؤس میں شفٹ نہیں ہونگا ، اپنے گھر میں رہنے کی درخواست کی ہے،جس میں ہمت ہے ریفرنس دائر کرلے، مقابلہ کرونگا۔میڈیا سے گفتگو کرتے ہوئے نامزد وزیراعظم شاہد خاقان عباسی نے کہا کہ میں وزیراعظم ہاؤس میں شفٹ نہیں ہونگا، اپنے ہی گھر میں رہنے کی درخواست
کی ہے، انہوں نے کہا کہ کابینہ کے بارے میں مشاورت کرونگا۔ نوازشریف نے حقائق عوام کے سامنے رکھنے کا فیصلہ کیا ۔انہوں نے کہا کہ جس میں ہمت ہے ریفرنس دائر کرلے، میں مقابلہ کروں گا، جس کے ہاتھ صاف ہیں وہ ریفرنس دائر کرے اور شوق سے سپریم کورٹ جائے۔انہوں نے کہا کہ کوئی بھی سمجھ دار وکیل فیصلے کی حمایت نہیں کرتا، ہم کارکردگی پر یقین رکھتے ہیں ۔