اسلام آباد (این این آئی) سابق وزیر داخلہ چوہدری نثار علی خان سے لیگی اراکین اسمبلی نے ان کی نشست پر جا کر ملاقاتیں کیں ۔ منگل کو قومی اسمبلی کا اجلاس سپیکر قومی اسمبلی سر دار ایاز صادق کی زیر صدارت ہوا جس میں نئے قائد ایوان کا انتخاب کیا گیا سابق وزیرداخلہ چوہدری نثار اسمبلی اجلاس میں شریک ہوئے اور
اس موقع پر مسلم لیگ (ن) کے بعض رہنماؤں نے چوہدری نثار علی خان سے ان کی نشست پر جاکر مصافحہ کیا۔شاہد خاقان عباسی بھی چوہدری نثار سے ان کی نشست پر جاکر ملے اور دونوں کے درمیان غیر رسمی گفتگو ہوئی جبکہ دونوں رہنما کچھ دیر تک خوشگوار انداز میں گفتگو کرتے رہے۔
