اسلام آباد (مانیٹرنگ ڈیسک) اہم سیاسی جماعت نے تحریک انصاف میں اپنے جاسوس چھوڑ دیے، تفصیلات کے مطابق سینئر صحافی ڈاکٹر شاہد مسعود نے ایک نجی ٹی وی چینل کے پروگرام میں گفتگو کرتے ہوئے کہا ہے کہ تحریک انصاف کے سابق رہنما جاوید ہاشمی کا دل مسلم لیگ کے قائد نواز شریف کے ساتھ تھا، اسی طرح یہ بھی واضح رہے کہ جو لوگ تحریک انصاف میں شمولیت اختیار کر چکے ہیں ان میں سے کچھ تو باقاعدہ طور پر پی ٹی آئی کے ہی ہو چکے ہیں
مگر بعض لوگ ایسے موجود ہیں جن کا براہ راست رابطہ آصف علی زرداری سے ہے اور وہ انہیں تحریک انصاف کے اجلاسوں میں ہونے والی تمام خبروں سے باخبر رکھ رہے ہیں۔ انہوں نے کہا کہ یہ عمران کا اپنا مسئلہ ہے، عمران خان کو یہ خود دیکھنا چاہیے میرا یہ کام نہیں کہ میں جا کر عمران خان کو اس متعلق بتاؤں، انہوں نے مزید کہا کہ یوم تشکر کے جلسے میں جب آصف علی زرداری کا ذکر چلا تو کئی لوگ وہاں سے جلسہ چھوڑ کر چلے گئے تھے۔
