اسلام آباد (این این آئی)پاکستان تحریک انصاف کے رہنما نعیم الحق نے کہاہے کہ شہباز شریف کے خلاف بھی ریفرنس دائر کیا جائے گا۔سپریم کورٹ کے باہر میڈیا سے گفتگو کرتے ہوئے نعیم الحق نے کہا کہ شہبازشریف کے ہاتھ کرپشن میں رنگے ہوئے ہیں ان کا وزیراعظم بننامشکل لگ رہا ہے ۔انہوں نے کہاکہ چند مہینوں کی بات ہے یہ حکومت نہیں چلا سکتے ۔انہوں نے کہاکہ وزیراعلیٰ پنجاب کے خلاف ریفرنس فائل کررہے ہیں اور کرپشن میں ملوث افراد کے خلاف
قانونی چارہ جوئی کرتے رہیں گے۔انہوں نے کہا کہ( ن )لیگ چاہتی ہے عمران خان کو نااہل قرار دلایا جائے تاہم لوگ عمران خان کی دیانت کی مثال دیتے ہیں۔نعیم الحق نے کہا کہ مخالف وکلا اندھیرے میں تیر مارنے کی کوشش کررہے ہیں ٗ حکومتی وکلا کوگزشتہ روز تین بارججوں کی جانب سے ڈانٹ پڑی ٗ چند دن کی بات ہے ٗکیس ختم ہونیوالا ہے ۔نعیم الحق نے کہا کہ سپریم کورٹ اور الیکشن کمیشن میں (ن )لیگ کو ناکامی ہوگی ٗ عمران خان کے خلاف کیس جلد ختم ہو جائے گا۔
