اسلام آباد (مانیٹرنگ ڈیسک)نواز شریف ، حسن نواز ، حسین نواز، مریم نواز اور کیپٹن (ر) صفدر کا نام ای سی ایل میں ڈالنے کے لیے درخواست دائر کر دی گئی ۔نجی ٹی وی کے مطابق سپریم کورٹ لاہور رجسٹری میںنواز شریف ، حسن نواز ، حسین نواز، مریم نواز اور کیپٹن (ر) صفدر کا نام ای سی ایل میں ڈالنے کے لیے درخواست دائر کر دی گئی ہے۔
درخواست گزار کا کہنا تھا کہ سپریم کورٹ نے نواز شریف سمیت دیگر کے خلاف نیب میں ریفرنس دائر کرنے کا حکم دیا ہے۔نیب آرڈیننس کے تحت جس کے خلاف کارروائی ہو، چیئرمین نیب اس کے خلاف گرفتاری کا حکم دے سکتے ہیں۔ تاحال چیئرمین نیب نے نواز شریف اور ان کے اہل خانہ کی گرفتاری کا حکم نہیں دیا۔ نواز شریف اور ان کے اہل خانہ بیرون ملک فرار ہو سکتے ہیں۔ واضح رہے کہ سپریم کے فیصلے کے بعد شریف خاندان مری میں موجود اپنی رہائش پر قیام پذیر ہے۔
