اسلام آباد (مانیٹرنگ ڈیسک) بات سچ ثابت ہوگئی، نواز شریف کے بعد آصف زرداری کا نمبر بھی آ گیا، کھلبلی مچ گئی، تفصیلات کے مطابق کل بروز منگل پیپلز پارٹی کے شریک چیئرمین و سابق صدر آصف علی زرداری کے خلاف غیر قانونی اثاثہ جات ریفرنس کی سماعت ہو گی۔ سابق صدر آصف علی زرداری کے خلاف اس ریفرنس کی سماعت احتساب عدالت راولپنڈی کے جج خالد محمود رانجھا کریں گے، واضح رہے کہ سابق صدر
آصف علی زرداری کے وکیل فاروق ایچ نائیک نے گزشتہ سماعت پر درخواست بریت پر دلائل کا تسلسل جاری رکھا تھا، احتساب عدالت کے جج خالد محمود رانجھا نے درخواست بریت پر مزید دلائل آئندہ سماعت پر جاری رکھنے کے احکامات دیے تھے، اور یہ سماعت یکم اگست بروز منگل ہونا قرار پائی تھی۔ کل اس سماعت کے دوران سابق صدر آصف علی زرداری کے وکیل فاروق ایچ نائیک درخواست بریت پر اپنے دلائل کا سلسلہ جاری رکھیں گے۔
