اسلام آباد(مانیٹرنگ ڈیسک) عمران خان نے حکومت سے ’’ڈیل‘‘ کر لی؟ صرف ایک شرط عائد، تفصیلات کے مطابق سینئر صحافی سہیل وڑائچ نے ایک نجی ٹی وی چینل کے پروگرام میں بات چیت کرتے ہوئے کہا کہ تحریک انصاف کے چیئرمین عمران خان نے مسلم لیگ (ن) کو پانچ سال کی حکومتی مدت پوری کرنے کے لیے رضا مندی کا اظہار کیا ہے۔ یہ ایک مثبت اور اچھی سیاست ہے جس میں تحریک انصاف اگر چاہتی تو فوراً انتخابات کا مطالبہ کر سکتی تھی مگر وہ کہتے ہیں کہ
وزیراعظم نواز شریف وزارت عظمیٰ کا عہدہ کسی اور کے حوالے کر دیں اور حکومت بے شک اپنی پانچ سال کی مدت پوری کرے۔ سینئر صحافی کے مطابق عمران خان کا مسلم لیگ (ن) کو کہنا ہے کہ حکومت اپنے5 سال مکمل کرے لیکن پارٹی کسی اور کو وزیراعظم بنائے۔ سہیل وڑائچ نے کہا کہ مجھ سے حالیہ انٹرویو میں عمران خان نے کہا کہ اگر وہ اپنا وزیراعظم لانا چاہتے ہیں تو آئین نے ان کو اس بات کا حق دیا ہے اور ہم انتخابات ہونے کا انتظار کریں گے۔
