اسلام آباد (مانیٹرنگ ڈیسک) مختلف سیاسی جماعتوں کے رہنماؤں کی تحریک انصاف میں شمولیت کا سلسلہ جاری ہے، جب سے جے آئی ٹی کی رپورٹ سامنے آئی ہے، تحریک انصاف کی مقبولیت کا گراف اوپر گیا ہے، اب پیپلز پارٹی کے سابق سینیٹر عدنان خان نے تحریک انصاف میں شمولیت کا اعلان کر دیا ہے، ان کا تعلق چارسدہ سے ہے، عدنان خان نے عمران خان سے ملاقات کے بعد تحریک انصاف میں
شمولیت کا باضابطہ اعلان کر دیا ہے۔ پاکستان تحریک انصاف کے رہنما ڈاکٹر عارف علوی نے کہا ہے کہ کرپشن کے خلاف عمران خان کی جدوجہد کو دیکھ کر ملک کی عوام یہ سمجھ چکی ہے کہ اگر اس وقت کوئی لیڈر ملک کی ترقی اور خوشحالی چاہتا ہے تو وہ صرف عمران خان ہی ہے۔ یہی وجہ ہے کہ ملک بھر سے سیاسی کارکنان اور رہنماجوق در جوق تحریک انصاف میں شمولیت اختیار کر رہے ہیں۔
