اسلام آباد(مانیٹرنگ ڈیسک) نجی ٹی وی پروگرام میں گفتگو کرتے ہوئے سینئر تجزیہ نگار ڈاکٹر شاہد مسعود نے کہا ہے کہ بیگم کلثوم نواز صاحبہ انتہائی محترم ہیں، ان کی بڑی عزت ہے اور ان کا نام پانامہ وغیرہ میں بھی کہیں نہیں۔ لیکن بات یہ ہے کہ انہوں نے بھی تو اپنے گوشوارے جمع کروانے ہیں، دوسری بات یہ ہے کہ شہباز شریف کے صاحبزادے حمزہ شہباز سے کلثوم نواز کی بات چیت مکمل طور پر بند ہو چکی ہے۔
اگر بیگم کلثوم نواز صاحبہ کو اقتدار مل گیا تو تہمینہ درانی صاحبہ کھل کر سامنے آ جائیں گی کیونکہ تہمینہ درانی نے حمزہ شہباز کیلئے بہت سخت بات کی تھی خاندان میں ۔ حمزہ شہباز اسمبلی میں موجود ہیں اور انہیں وزیر اعظم بنانے کو کوئی تیار نہیں۔ بیگم کلثوم نواز حمزہ شہباز کو انتہائی نا پسند کرتی ہیں۔ اس کی وجہ یہ ہے کہ تہمینہ درانی حمزہ شہباز کے بہت قریب ہیں اور وہ (تہمینہ درانی) حمزہ شہباز کیلئے جارحانہ رویہ رکھتی ہیں۔
