کراچی(آئی این پی)پاکستان مسلم لیگ (ن) کے رہنما طلال چوہدری نے کہا ہے کہ عمران خان و زیر اعظم اور زرداری صدر بننا چاہتے ہیں ‘ جے آئی ٹی کے بننے سے لے کر اب تک تمام اقدامات متنازع ہو چکے ہیں ‘ سندھ کے لوگ بھوکے مار رہے ہیں لیکن بھٹو آج بھی زندہ ہے ‘ عدلیہ کتنی آزاد ہے پانامہ فیصلے سے پتہ چل جائے گا ‘ اسکرپٹ لکھنے والے نواز شریف کو ہٹانا چاہتے ہیں‘

جے آئی ٹی کے سامنے پیش نہ ہوتے تو سازش بے نقاب نہ ہوتی ‘ اسکرپٹ لکھنے والے اب کوئی نیا اسکرپٹ لکھیں۔ اتوار کو میڈیا سے گفتگو کرتے ہوئے طلال چوہدری نے کہا کہ عمران خان نے سیاسی کوڑا بنی گالہ میں اکٹھا کر لیا ہے ۔ ہم نام کے ہی نہیں کردار کے بھی شیرہیں۔ کٹھ پتلیوں کا تماشا جاری ہے اورہم سینہ سپر ہیں۔ عمران خان وزیر اعظم اور زرداری صدر بننا چاہتے ہیں۔ تصویر لیک کرنے والوں کیخلاف مقدمہ درج کرنے کا حق رکھتے ہیں۔ جے آئی ٹی کے سامنے پیش نہ ہوتے تو سازش بے نقاب نہ ہوتی۔ انہوں نے کہا کہ سارا پاکستان وزیر اعظم بن سکتا ہے ۔ عمران خان تم وزیر اعظم نہیں بن سکتے۔ اینٹ کا جواب پتھر سے دینے والے دیکھ لیں ہم اصل شیر ہیں۔ اسکرپٹ لکھنے والوں نے ایک فیصلے میں بھٹو کو جان سے مار دیا تھا۔ سندھ کے لوگ بھوک سے مر رہے ہیں لیکن بھٹو آج بھی زندہ ہے ۔ اسکرپٹ لکھنے والے اب نواز شریف کو ہٹانا چاہتے ہیں۔ پانامہ جے آئی ٹی متنازعہ ہو چکی ہے۔ جے آئی ٹی بننے سے لے کر اب تک تمام اقدامات متنازعہ ہیں۔ طلال چوہدری نے کہاکہ پہلے دھرنا ہوا پھر دھرنا ٹو ہوا اور دھرنا تھری ہونے جا رہا ہے۔ اسکرپٹ لکھنے والے اب کوئی نیا اسکرپٹ لکھیں۔ سپریم کورٹ کے پاس صرف 2 اختیار ہیں ۔عدلیہ کتنی آزاد ہے پانامہ فیصلے سے پتہ چل جائے گا۔