اسلام آباد(خصوصی رپورٹ)سابق صدر آصف زرداری کے بچوں کے نام کے ساتھ بھٹو لکھنے کے معاملے کو وکیل رئیس عبدالواحد نے اسلام آباد ہائیکورٹ میں چیلنج کردیا ہے ،ایک مقامی روزنامے کے مطابق درخواست میں موقف اختیار کیا گیا ہے کہ بینظیر بھٹو کی شہادت کے بعد سابق صدر آصف علی زرداری نے بلاول زرداری ،آصفہ زرداری ،بختاور زرداری کے نام کیساتھ بھٹو کیوں لگایا۔نادرا نے کس قانون کے تحت تینوں کو
بھٹو کے نام سے شناختی کارڈ جاری کئے ۔تینوں بہن بھائیوں کا قبیلے کے نام تبدیل کرنا پاکستانی قوم کے ساتھ مذاق ہے قبیلے کا نام صرف سیاسی مفادات حاصل کرنے کیلئے لگائے گئے‘ تینوں کو نام کے ساتھ بھٹو لکھنے سے روکا جائے ۔چیئرمین نادرا کے خلاف فوجداری کی کاروائی کی جائے‘ درخواست میں وزارت داخلہ ،آصفہ بختاور ،بلاول اور چیئرمین نادرا کو فریق بنایا گیا ہے۔
