اسلام آباد(مانیٹرنگ ڈیسک)کشمیریوں کو حق خودارادیت ملنا چاہئے وہ ان کا حق ہے، برہان وانی سمیت دیگر شہدا کی قربانیاں رائیگاں نہیں جائیں گی، آرمی چیف جنرل قمر جاوید باجوہ کا برہان وانی کے یوم شہادت کے موقع پر خصوصی پیغام۔ تفصیلات کے مطابق برہان وانی شہید کے یوم شہادت کے موقع پر آرمی چیف جنرل
قمر جاویدباجوہ نے اپنے خصوصی پیغام میں کہا ہے کہ حق خودارادیت کشمیریوں کا حق ہے جو ان کو ملنا چاہئے۔ ان کا کہنا تھا کہ بھارتی ریاستی جبر کے خلاف کشمیریوں کی قربانیاں ان کے عزم کا اظہار ہیں۔ برہان شہیداور دیگر کشمیری شہدا کی قربانیاں رائیگاں نہیں جائیں گی اور کشمیری منزل سے ضرور ہمکنار ہونگے
