اسلام آباد (مانیٹرنگ ڈیسک) وزیراعظم پاکستان نواز شریف کی کی زیر صدارت ایک مشاورتی اجلاس ہوا جس میں وفاقی وزراء اور مشیروں نے شرکت کی، اس اجلاس میں وزیر خزانہ اسحاق ڈار نے ڈالر کی قدر میں حالیہ اضافے پر وزیراعظم اور شرکاء کو بریفنگ دی، ڈالر کی قدر کے علاوہ اس اجلاس میں ملک کی مجموعی معاشی صورتحال اور سٹاک ایکسچینج بھی موضوع بحث رہا۔ اس اجلاس میں متفقہ طور پر یہ فیصلہ کیا کہ موجودہ سیاسی صورتحال میں عوامی منصوبوں کو پایہ تکمیل تک پہنچایا جائے گا ان میں کسی قسم کی
رکاوٹ برداشت نہیں کی جائے گی، اس کے علاوہ سیاسی مخالفین کو بھی بھرپور جواب دینے کا فیصلہ کیا گیا۔ وزیر قانون زاہد حامد نے جے آئی اور اس کے علاوہ دیگرقانونی معاملات پر شرکاء کو بریف کیا، اجلاس کے شرکاء کا کہنا تھا کہ ہمارے سیاسی مخالفین اس صورتحال سے خوفزدہ ہیں، اجلاس میں فیصلہ کیا گیا کہ ضرورت پڑنے پر سپریم کورٹ میں نظر ثانی کی اپیل کا حق اور تمام آئینی و قانونی ذرائع استعمال کیے جا سکتے ہیں۔ اس کے علاوہ موجودہ سیاسی صورتحال میں پارلیمانی جماعتوں سے رابطے کا بھی فیصلہ کیا گیا۔
