اسلام آباد(مانیٹرنگ ڈیسک)آرمی چیف جنرل قمر جاوید باجوہ کا پنوں عاقل گیریژن کا دورہ۔ آئی ایس پی آر کے مطابق آرمی چیف جنرل قمر جاوید باجوہ کا پنوں عاقل گیریژن کا دورہ کیا ہے جہاں انہیں فوج کی پیشہ وارانہ تیاریوں اور اور داخلی سلامتی کے حوالے سے تیاریاں سے متعلق بریفنگ دی گئی جس پر آرمی چیف نے اطمینان کا اظہار کیاہے۔اس موقع پر آرمی چیف کا کہنا تھا کہ چھٹی مردم شماری میں فوج نے
بھرپور معاونت فراہم کی جس میں عملے کو بھرپور تحفظ فراہم کیا۔فوج قومی ترقی کیلئے اداروں کے ساتھ بھرپور تعاون کرتی رہے گی۔دہشتگردی کے خلاف پاکستان نے بہت طویل سفر طے کیا ہے۔انسداد دہشتگردی مہم میں حاصل ہونیوالی کامیابیاں تاریخ ساز ہیں۔ان کامیابیوں کو منفی رجحانات کے خلاف مستحکم کرنا ہے۔یقین ہے پورے تعاون سے ملک میں استحکام قائم کر دیا جائے گا۔ ملک پہلے اور اپنی ذات بعد میں آتی ہے۔
