لاہور (آن لائن) تحریک انصاف کی صوبائی قیادت نے پیپلزپارٹی اور مسلم لیگ(ق) کے رہماؤں سے پی ٹی آئی میں شمولیت کے لئے رابطے شروع کر دیئے ۔ نیلوفر بختیار‘ میجر(ر) طاہر صادق کا پی ٹی آئی میں شمولیت کا امکان ۔ تفصیلات کے مطابق تحریک انصاف کے چیئرمین عمران خان کی خصوصی ہدایت پر پی ٹی آئی کی صوبائی قیادت نے پیپلزپارٹی اور مسلم لیگ(ق) سمیت دیگر پارٹیوں کے ناراض کارکنوں سے رابطے تیز کر
دیئے ہیں جبکہ پی ٹی آئی کی صوبائی قیادت نے مسلم لیگ(ق) اور پیپلزپارٹی سے تعلق رکھنے والے میجر(ر) طاہر صادق اور نیلوفر بختیار سمیت دیگر رہنماؤں سے مشاورت کی اور امکان ہے کہ جلد تحریک انصاف پی پی سمیت (ق) لیگ کی وکٹیں گرانے کا اعلان کرے گی ۔
