اسلام آباد(نیوزڈیسک)شریف فیملی کی خاندان سمیت بیرون ملک روانگی،تیاریاں مکمل،تفصیلات منظر عام پر آگئیں، وزیراعظم کی اتوار کو اہلخانہ کے ہمراہ سعودی عرب روانگی کے انتظامات مکمل کر لئے گئے۔ تفصیلات کے مطابق جے آئی ٹی میں پیشی کے بعدشریف خاندان سعودی عرب کیلئے اڑان بھرنے کو تیار ہے۔ وزیراعظم اور ان کے اہلخانہ عمرہ ادائیگی اور رمضان کا آخری عشرہ مدینہ منورہ میں گزارنے کیلئے
اتوار کو ممکنہ طور پر سعودی عرب جائیں گے۔ وزیر اعظم کا یہ دورہ نجی ہے جو دو ہفتوں پر مشتمل ہے۔ وزیر اعظم آخری عشرہ مدینہ منورہ میں گزاریں گے۔ وہ سعودی عرب میں قیام کے دوران عمرہ کی ادائیگی بھی کریں گے۔ عید کے بعد وزیراعظم لندن جائیں گے جہاں وہ اپنے نواسے جنید صفدر کی گریجوایشن کانووکیشن کی تقریب میں شرکت کریں گے۔ذرائع کے مطابق وزیراعظم نواز شریف لندن میں قیام کے دوران اپنا طبی معائنہ بھی کروائیں گے جس کے بعد وہ وطن واپس لوٹیں گے۔دوسری جانب وزیراعظم محمد نواز شریف کے داماد رکن قومی اسمبلی کیپٹن (ر) محمد صفدر نے جے آئی ٹی کو ایک درخواست دی ہے جس میں استدعا کی گئی ہے کہ انہیں رواں ہفتے کے دوران ہی جے آئی ٹی میں پیشی کا موقع فراہم کیا جائے کیونکہ اگلے ہفتے انہوں نے عمرہ کی ادائیگی کے سلسلہ میں حجاز مقدس جانے کا پروگرام بنا رکھا ہے۔ انہوں نے اپنی درخواست میں استدعا کی ہے کہ انہیں 24جون کی بجائے رواں ہفتے (جمعہ‘ ہفتہ ‘ اتوار) کو طلب کر لیا جائے تاکہ جے آئی ٹی کا تفتیشی عمل تاخیر کا شکار نہ ہو۔۔واضح رہے کہ جے آئی ٹی میں وزیراعظم نوازشریف ،حسین نواز،حسن نوازاپنے بیانات ریکارڈکراچکے ہیں جبکہ ہفتہ کےروزوزیراعلی پنجاب شہبازشریف جے آئی ٹی کے سامنے پیش ہونگے اوراپنابیان ریکارڈکرائیں گے ۔
