اسلام آباد (این این آئی)پانامالیکس تحقیقات ٗجے آئی ٹی نے سابق وزیرداخلہ رحمان کوکل طلب کرلیا ۔ نجی ٹی وی نے ذرائع کے حوالے سے بتایاکہ جے آئی ٹی نے سابق وزیرداخلہ رحمان ملک کو کل پیش ہونیکاحکم دیدیا ہے ذرائع کے مطابق رحمن ملک بیرون ملک ہونے کے باعث کل پیش نہیں ہوسکیں گے وہ اپنا دورہ مختصر کر کے جلد وطن واپس آئینگے ذرائع کے مطابق جے آئی ٹی رحمن ملک سے شریف خاندان کی منی لانڈرنگ کی
تحقیقات سے متعلق سوالات کریگی ۔نجی ٹی ٹی وی کے مطابق رحمن ملک کے ترجمان نے بتایا کہ رحمن ملک پیشی کی نئی تاریخ کیلئے جے آئی ٹی کو خط لکھیں گے ۔ترجمان نے تصدیق کی کہ جے آئی ٹی نے رحمن ملک کو بھی طبی کا سمن جاری کیا ہے۔اس سے پہلے وزیراعظم آفس کو پانامہ کیس کی تحقیقات کیلئے بنائی مشترکہ تحقیقاتی ٹیم (جے آئی ٹی) کی جانب سے وزیراعظم نوازشریف کی طلبی کا نوٹس موصول ہوگیا ، وزیراعظم15جون کو جے آئی ٹی کے سامنے پیش ہونگے ۔ اتوار کو وزیراعظم ہاؤس کے مطابق جے آئی ٹی کا سمن موصول ہوگیا ہے ، وزیراعظم 15جون کو 11بجے فیڈرل جوڈیشل اکیڈمی میں جے آئی ٹی کے سامنے پیش ہوں گے ۔ وزیراعظم کو متعلقہ ریکارڈ اور دستاویزات ساتھ لانے کا کہا گیا ہے
