لاہور (نیوزڈیسک) میٹرو بس لاہور پر روزانہ کتنے لاکھ روپے کی سبسڈی دی جارہی ہے؟ایسا انکشاف کہ جان کر ہی ہوش اُڑ جائیں،تفصیلات کے مطابق مسلم لیگ ق کے رہنما چودھری پرویز الہیٰ پریس کانفرنس کے دوران حیرت انگیزانکشاف کیا ہے کہ آڈیٹر جنرل کی رپورٹ کے مطابق صرف لاہور ڈویڑن میں 28 ارب روپے کی زمینوں پر قبضے کئے گئے، جنگلا بس منصوبے پر سالانہ 2 ارب 54 کروڑ 48 لاکھ روپے

کی سبسڈی دی جا رہی ہے، جو روزانہ 70 لاکھ روپے بنتے ہیں۔ انہوں نے کہا کہ اپر کینال منصوبہ 60 کروڑ روپے کا تھا، کام شروع ہوئے بغیر ٹھیکدار کو تمام رقم غیرقانونی طور پر ادا کر دی گئی جو بعد میں بھاگ گیا، دانش سکول منصوبے پر 4 ارب 88 کروڑ روپے کی غیر قانونی ادائیگی کی گئی۔ پرویز الہیٰ کا مزید کہنا تھا کہ ان کے دور حکومت میں 267 ارب 54 کروڑروپے قرضہ تھا جو اب بڑھ کر 712 ارب ہو گیا ہے۔