اسلام آباد(مانیٹرنگ ڈیسک) پانامہ کیس میں حسین نواز کے بعد وزیر اعظم کےدوسرے بیٹے حسن نواز بھی پاناما جے آئی ٹی کے سامنے پیش ہوگئے ہیں۔تفصیلات کے مطابق مطابق حسن نواز کو جے آئی ٹی کے سامنے دو روز قبل پیش ہونا تھا تاہم ان ہی کی درخواست پر مشترکہ تحقیقاتی ٹیم نے انہیں آج پیش ہونے کی اجازت دے دی تھی، حسن نواز جے آئی ٹی کی ہدایت کے مطابق اپنے ہمراہ کئی دستاویزات بھی لائے ہیں۔
حسن نواز جب جوڈیشل اکیڈمی پہنچے تو مسلم لیگ (ن) کے کارکنوں نے وزیر اعظم نواز شریف اور ان کے حق میں نعرے لگائے جس کا جواب انہوں نے ہاتھ ہلا کر دیا تاہم انہوں نے میڈیا سے بات کرنے سے احتراز کیا۔حسن نواز اپنے ساتھ دستاویزات لائے ہیں ۔ حسن نواز کے ساتھ ایک شخص نے فائلیں اٹھا رکھیں تھیں اورحسن نواز کے پروٹوکول کو باہر ہی روک لیا گیا ۔
