اسلام آباد(مانیـٹرنگ ڈیسک)فوجیوں کی ہلاکت کا بدلہ لیں گے، بھارتی فوج ایک بار پھر سرجیکل سٹرائیکس کرتے ہوئے پاکستانی علاقے میں داخل ہو گی، بھارتی وزیر داخلہ راج ناتھ سنگھ کی پاکستان کو ایک بار پھر گیدڑ بھبکی۔بھارتی میڈیا رپورٹس کے مطابق نئی دہلی میں ایک تقریب سے خطاب کرتے ہوئے بھارتی وزیر داخلہ نے دھمکی دی ہے کہ

پاکستان سے 2 فوجیوں کے قتل کا بدلہ ضرور لیاجائے گا۔بھارتی وزیر داخلہ کا مزید کہنا تھا کہ گزشتہ سرجیکل سٹرائیک کی تیاری میں10 سے 15 دن لگے تھے اور اب بھی کچھ وقت لگے گا لیکن بھارتی فوج کا سر شرم سے جھکنے نہیں دیں گے۔بھارت کی فوج سرحد کے اس پار ضرور جائے گی اور ایک مرتبہ پھر پاکستان میں سرجیکل سٹرائیکس کی جائیں گی ۔