نئی دہلی (آئی این پی )بھارتی میڈیا نے دعویٰ کیا ہے کہ نئے پاکستانی ہائی کمشنر سہیل محمود رواں ما ہ کے آخر تک بھارت آکر اپنی ذمہ داریاں سنبھال لیں گے ۔پیر کوبھارتی میڈیا کے مطابق نئی دہلی کیلئے نئے پاکستانی ہائی کمشنر سہیل محمود رواں ماہ کے آخر تک موجود ہائی کمشنر عبدالباسط کی جگہ بھارت پہنچ کر ذمہ داریاں سنبھالیں گے ۔

پاکستانی دفتر خارجہ کے مطابق سہیل محمود اس وقت ترکی میں پاکستان کے سفیر ہیں جنھیں عبدالباسط جن کی مدت ملازمت مئی کے آخر تک ختم ہورہی ہے کی جگہ بھارت میں نیا ہائی کمشنر لگایا گیا ہے ۔اسلام آباد میں بھارتی ہائی کمیشن سہیل محمود کو پہلے ہی ویزہ جاری کرچکا ہے ۔عبدالباسط کو 2014میں بھارت میں پاکستان کا ہائی کمشنر تعینات کیاگیا تھا۔