اسلام آباد(مانیٹرنگ د یسک) وزیراعظم نوازشریف سے وزیر داخلہ چوہدری نثارعلی خان نے36گھنٹوں میں تین ملاقاتیں کی ہیں۔ ایک نجی ٹی وی کے مطابق وزیر داخلہ چوہدری نثار علی خان نے گزشتہ رات شب وزیراعظم نواز شریف سے پھر ملاقات کی جس میں نیوزگیٹ سکینڈل کی تحقیقاتی رپورٹ اورنوٹیفیکیشن کے بار ےمیں ملاقا ت ہوئی اور تیسری ملاقات میںچمن بارڈر پر کشیدگی سے متعلق اہم امور پرتبادلہ خیال کیا گیا۔

وزیراعظم اور وزیرداخلہ کے درمیان ہونےوالی ملاقات میںپاک افغان بارڈر چمن میں کشیدگی کے حوالے سے بھی تبادلہ خیال کیا۔سیاسی حلقوں میں ان ملاقاتوں کوبڑی اہمیت دی جارہی ہے کیونکہ اس وقت بیرونی سطح پرافغان سرحدکامعاملہ نہایت ضروری سمجھاجارہاہے ۔اسی طرح نیوزگیٹ سکینڈل کے حوالے سے وزیرداخلہ نے ایک نیانوٹیفکیشن جاری کرناہے ۔واضح رہے کہ نیوزگیٹ کی تحقیقات کے حوالے جاری ہونے والی پہلی رپورٹ کوپاک فوج نے مستردکردیاتھاجس کے بعدوزیراعظم اورآرمی چیف میں اہم ملاقات بھی ہوئی تھی ۔