چمن (مانیٹرنگ ڈیسک)انسپکٹرجنرل ایف سی میجرجنرل ندیم انجم نے افغانستان کووارننگ دی ہے کہ اگردوبارہ پاکستانی علاقے میں دراندازی کی کوشش کی تواس سے بھی زیادہ طاقت کے ساتھ جواب دیاجائے گا۔میجر جنرل ندیم انجم نے تصدیق کرتے ہوئے کہا ہے کہ چمن بارڈر پر افغانستان کے حملے کے بعد پاک فوج کی جوابی کارروائی میں 50 سے زائد افغان فوجی ہلاک، جب کہ 100 سے زائد زخمی ہوئے ہیں،

انہوں نے کہاکہ پاکستان کی جانب سے کارروائی میں افغان فوج کی 4 سے 5 چیک پوسٹیں بھی تباہ ہوگئی ہیں آئی جی ایف سی میجر جنرل ندیم انجم نے چمن میں پریس کانفرنس کرتے ہوئے کہاکہ پہلے ہی افغان حکام کوبتادیاتھاکہ ہم مردم شماری کررہے ہیں اورپاکستان کے سرحدی علاقوں میں بھی مردم شماری کرینگ ے۔میجر جنرل ندیم انجم اگرہم چاہتے تو زیادہ فورس کا استعمال کرسکتے تھے، زیادہ طاقت سے جلد علاقہ خالی کراسکتے تھےاس لئے طاقت کااستعمال نہیں کیاگیاکہ سرحد کے دونوں طرف سول آبادی موجود ہے۔میجرجنرل ندیم انجم نے کہا کہ افغانستان کی5سےزیادہ پوسٹیں مکمل تباہ کیں، افغان فورسز نے بلااشتعال شہری آبادی کو نشانہ بنایا، افغان فورسز کی فائرنگ کا پاکستان نے بھرپور جواب دیا، اس موقع پر آئی جی ایف سی نے دو ٹوک لہجے میں کہا کہ کسی نے بھی خلاف ورزی کی تو بھرپور جواب دیں گے، افغان فورسز کی اتنی حیثیت نہیں کہ وہ وہ اکیلے یہ قدم اٹھاتی۔ میجر جنرل ندیم انجم اس میں کوئی شک نہیں نہ افغانستان بھارتی ایما پر بھی ایسی شر انگیزی کرسکتا ہے۔اس موقع پر آئی جی ایف سی نے تصدیق کرتے ہوئے کہا کہ پاکستان کے جوابے حملے میں افغان فورسز کے 50سے زائد اہلکار مارے گئے، جب کہ جوابی کارروائی میں100سے زائد اہلکار بھی زخمی ہوئے۔اس موقع پر انہوں نے اس بات کی بھی وضاحت کرتے ہوئے کہا کہ افغان فورسز ہمارے مسلمان بھائی ہیں،

افغان فورسز کے نقصان پر خوشی نہیں، انتظامیہ نے متاثرین کیلئے اچھےانتظامات کیے، چمن میں ٹریفک معمول کے مطابق چل رہی ہے،تاہم دونوں ملکوں کے درمیان آمدو رفت افغانستان کے رویے سے مشروط ہے، افغان رویے میں بہتری کے بغیر یہ ممکن نہیں۔انہوں نے کہا کہ جنگ دونوں ملکوں کے مفاد میں نہیں، امید ہے کہ افغان قیادت اس مسئلے کو دیکھے گی۔آئی ایف سی نے اس موقع پرچمن کے لوگوںکا شکر یہ اداکیاکہ انہوں نے ہماری مکمل سپورٹ کی جس کےلئے چمن کے عوام کے شکرگزارہیں ۔