نئی دہلی(این این آئی) بھارت میں تعینات پاکستانی ہائی کمشنر عبدالباسط کو دفتر خارجہ طلب کرکے گزشتہ روز 2 فوجیوں کی ہلاکت اور مبینہ طورپر لاشیں مسخ کرنے پر سوالات اور احتجاج کیا گیا ہے تاہم پاکستانی ہائی کمشنر عبد الباسط نے بھارت کے بے بنیاد الزامات مسترد کرتے ہوئے کہا ہے کہ پاکستان کی جانب سے سیز فائر کی کوئی خلاف ورزی نہیں کی گئی بھارت کا احتجاج بلا جواز ہیںبھارتی میڈیا کے مطابق بھارت میں تعینات پاکستانی ہائی کمشنرعبدالباسط کو دفترخارجہ
طلب کر کے الزام لگایا گیا کہ پاک فوج نے بھارت کے 2 فوجیوں کو ہلاک کرکے ان کی لاشوں کی تضحیک کی ہے۔ پاکستانی ہائی کمشنر عبدالباسط نے بھارتی الزامات مسترد کرتے ہوئے کہا کہ پاک فوج کی جانب سے سیز فائر کی کوئی خلاف ورزی نہیں کی گئی بھارت کی جانب صرف الزامات لگائے جارہے ہیں جو جھوٹ پر مبنی ہیں۔پاکستان ہائی کمشنر نے واضح کردیا کہ پاکستان کی جانب سے سیز فائر کی کوئی خلاف ورزی نہیں کی گئی بھارتی حکام کا احتجاج بلاجواز ہیں ۔
