اسلام آباد(آئی این پی) سابق صدر آصف علی زرداری نے کہاہے کہ سی پیک اور گوادر پورٹ کے اصل خالق ہم ہیں ‘ جب سی پیک معاہدہ پر دستخط کئے تو نواز شریف وزیر اعظم نہیں تھے ‘ہر پروجیکٹ اپنے نام کرنا شریف برادران کی عادت ہے ‘ شریف برادران ایٹمی پروگرام کا کریڈٹ بھی لیتے ہیں ‘ میاں صاحب نے سی پیک کا درست استعمال نہیں کیا . اپنے انٹرویو میں سابق صدر آصف علی زرداری نے کہا کہ سی پیک اور
گوادر پورٹ کے اصل خالق ہم ہیں جب سی پیک معاہدے پر دستخط کئے تو نواز شریف وزیر اعظم نہیں تھے۔ گرم پانیوں تک رسائی کیلئے چینی قیادت کو قائل کیا۔ انہوں نے کہا کہ تاریخ دیکھیں سی پیک کے لئے پہلا بنک کب کھلا؟ ۔ پرانی تاریخیں نکالیں کہ کرنسی کا تبادلہ کب ہوا؟۔ آصف علی زرداری نے کہا کہ میاں صاحب نے سی پیک کا درست استعمال نہیں کیا۔ شریف برادران ایٹمی پروگرام کا کریڈٹ بھی لیتے ہیں
