اسلام آباد(مانیٹرنگ ڈیسک) نجی ٹی وی پرگرام میں گفتگو کرتے ہوئے سینئر تجزیہ نگار ڈاکٹر شاہد مسعود کا کہنا تھا کہ حکمرانوں نے اس وقت چھوٹی چھوٹی چالاکیاںشروع کر دی ہیں، یہ چالاکیاں دو دو ٹکے کی ہیں، ڈاکٹر شاہد مسعود نے کہا کہ ہمارے پی ایس ایل میں جو مختلف فرنچائزز ہیں 5۔ اس کے حوالے سے وزیر اعظم ہائوس میں ایک پلاننگ ہوئی ، وزیر اعظم کی ایک قریبی ترین شخصیت اس پلاننگ میں شامل ہیں، اس

پلاننگ میں یہ کام کیا گیا کہ خیبر پختونخواہ سے تعلق رکھنے والے شاہد خان آفریدی جو بہت بڑے کھلاڑی ہیں ان کو پاکستان تحریک انصاف کے سربراہ عمران خان کے سامنے کھڑا کر دیا، اور انہیں ان سے گالیاں پڑوائی ہیں، ڈاکٹر شاہد مسعود کا کہنا تھا کہ اس بہت بڑے کھلاڑی (شاہد آفریدی) کو نہیں پتہ تھا کہ در پردہ کیا پلان چل رہا ہے۔ اس پلاننگ میں آکر شاہد آفریدی نے ایک دو بار اپنے سینئرز کے بارے میں ایسی باتیں کر دی تھیں جس پر جاوید میانداد وغیرہ نے کہا تھا کہ ایسی باتیں نہیں کرنی چاہئیں۔ جب شاہد آفریدی کو سازش کا علم ہوا تو انہوں نے اپنے آپ کو فوراََ اس فرنچائز (پشاور زلمی ) سے الگ کیااور جا کر دوسری فرنچائز میں شمولیت اختیار کر لی۔ پلاننگ تھی کہ سینئرز کے سامنے جونیئرز کو لا کر کھڑا کر دیا جائے۔ ڈاکٹر شاہد مسعود کا مزید کہنا تھا کہ اس وقت ریاست کس نہج پر کھڑی ہے اور ملک کہاں کھڑا ہے لیکن حکمران ایسی چھوٹی چھوٹی سازشیں کر رہے ہیں۔