اسلام آباد ( آئی این پی ) سابق صدر آصف علی زرداری سے جمعیت علماء اسلام (ف) کے سربراہ مولانا فضل الرحمن نے ملاقات کی جس میں ملکی سیاسی صورتحال پر تبادلہ خیال کیا گیا ، دونوں رہنماؤں نے سیاسی معاملات میں مل کر چلنے پر اتفاق کیا ۔ تفصیلات کے مطابق جمعرات کو پاکستان پیپلز پارٹی پارلیمنٹرینز کے
صدر آصف علی زرداری سے جمعیت علماء اسلام ( ف) کے سربراہ مولانا فضل الرحمان نے ملاقات کی ۔ زرداری ہاؤس میں ہونے والی ملاقات میں ملکی سیاسی صورتحال سمیت دیگر اہم امورپر تبادلہ خیال کیا گیا ۔ آصف علی زرداری نے عالمی اجتماع کے کامیاب انعقاد پر مولانا فضل الرحمان کو مبارک باد دی ۔
