اسلام آباد(مانیٹرنگ ڈیسک) نجی ٹی وی پروگرام میں گفتگو کرتے ہوئے سینئر صحافی چوہدری غلام حسین نے کہا ہے کہ عمران خان کے ایک قریبی ذریعے نے بتایا ہے کہ بہت پہلے ایک صاحب جو پاکستان میں بڑے فوجی عہدے سے ریٹائرڈ ہوکر اس وقت بھی مشرق وسطیٰ میں ہیں، انہوں نے عمران خان سے ایک اور پارٹی لیڈر کی موجودگی میں ملاقات کی۔ انہوں نے کہا کہ 2013 کے الیکشن میں آپ کو پیسوں کی ضرورت ہوگی ۔ آپ کو الیکشن جیتنے کیلئے جو پیسے چاہئیں اس

کا انتظام ہم کر دیتے ہیں۔ ہم آپ کو 30 بلین روپے دے دیں گے، اس پر عمران خان نے ان صاحب کو کوئی جواب نہیں دیا اور اشارتاََ انکار کر دیا۔ چوہدری غلام حسین نے کہا کہ اس وقت عمران خان جتنا خوش اور مطمئن نظر آ رہے ہیں اس میں کوئی بات ہے۔ پانامہ کیس کا فیصلہ آنے کے بعد عمران خان لاکھوں کا مجمع اکٹھا کرکے پنڈی، اسلام آباد یا لاہور میں رائے ونڈ کے مقام پر بہت بڑا جلسہ کریں گے۔ چوہدری غلام حسین کا کہنا تھا کہ عمران خان اس وقت پوری تیاری میں ہیں۔