راولپنڈی(آئی این پی) آپریشن ردالفساد کے تحت کاروائیاں جاری ، پنجاب رینجرز کے آپریشن کے دوران مارے جانے والے 5دہشت گردوں میں سے 2کی شناخت ہوگئی ، شناخت شدگان میں دو انتہائی مطلوب دہشت گرد ذوالفقار عرف ذولفی اور پیر بخش شامل ہیں ۔ اتوار کو پاک فوج کے شعبہ تعلقات عامہ (آئی ایس پی آر) کے مطابق آپریشن ردالفساد کے تحت پنجاب رینجرز نے کاروائیاں کرتے ہوئے 5دہشت گردوں کو ہلاک کردیا ۔

مارے جانے والے 5دہشتگردوں میں سے 2 کی شناخت ہوگئی ۔ شناخت شدگان میں 2انتہائی مطلوب دہشتگرد ذوالفقار عرف ذولفی اورپیر بخش شامل ہیں ۔ مطلوب دہشت گردوں کا تعلق کالعدم تنظیم بی ایل اے ہربیارمری گروپ سے تھا۔ ذولفی 7 اور پیر بخش15مقدمات میں مطلوب تھا ۔ پیر بخش کے سر کی قیمت 20لاکھ روپے مقرر تھی ۔ آپریشن میں شہید سپاہی کامران کی ملتان گریژن میں نمازجنازہ ادا کردی گئی