اسلام آباد(آئی این پی ) مشیر خارجہ سرتاج عزیز نے کہا ہے کہ فاٹا اصلاحات کے لئے فاٹا میں سیاسی جماعتوں ،سول سوسائٹی اوریوتھ سے مشاورت کی ،لوگوں کی اکثریت فاٹا کے خیبرپختونخوا میں انضمام کے حق میں تھی ، فاٹا کے انضماممیں قانونی امور پر وزارت قانون کا زیادہ کردار ہوگا، گورنرخیبرپختونخوا کوفاٹا کیلئے ٹرانزیشن ٹیم دی جائے گی ، وزیراعلیٰ اورچیف سیکریٹری بھی کمیٹی کے رکن ہوں گے ،وفاق کو فاٹا کی ترقی ،وسائل کے لئے 10سال مدد کرنا ہوگی۔

وہ ہفتہ کو نجی ٹی وی کو انٹرویو دے رہے تھے ۔انہوں نے کہا کہ فاٹا کے ہر جرگے سے فاٹا اصلاحات کے متعلق تفصیلی بات کی گئی ، اصلاحات کیلئے فاٹا میں سیاسی جماعتوں، سول سوسائٹی اوریوتھ سے بھی مشاورت کی گئی ، ہم نے سفارش کی کہ فاٹا کا انضمام واحد حل ہے اور مولانافضل الرحمان کے 2012 کے جرگے کی قرارداد فاٹا انضمام پر نہیں تھی ۔سرتاج عزیز نے کہا کہ فاٹا انضمام پر قانونی امور پر وزارت قانون کا زیادہ کردار ہوگا ، گورنر خیبرپختونخوا کو فاٹا کے لئے ٹرانزیشن ٹیم دی جائے گی،وزیراعلیٰ اورچیف سیکریٹری بھی کمیٹی کے رکن ہوں گے ۔انہوں نے کہا کہ فاٹا کا سیکیورٹی ،انتظامی ،قانونی انضمام بھی ضروری ہے ، وفاق کو فاٹا کی ترقی ،وسائل کے لئے 10سال مدد کرنا ہوگی۔سرتاج عزیز نے کہا کہ فاٹا کے انضمام کے لئے کارروائی تیز کریں گے ، فاٹا میں لیویز کو ٹرین کر کے دو سال میں تعینات کردیا جائے گا ، باجوڑ،کرم ایجنسی میں ایف سی آرکے خاتمے پرفوری عمل ہوسکتاہے،موجودہ لیویز کو ضرورت والے علاقوں میں ایڈجسٹ کریں گے ۔ انہوں نے کہا کہ ہر فاٹا ایجنسی میں اربن حب بنانے کی تجویز ہے ،فاٹامیں ڈی ایچ اے جیسی آبادیوں سے تعلیم یافتہ طبقہ بھی رہ سکے گا۔ ایک سوال کے جواب میں سرتاج عزیز نے کہا کہ پچھلے ماہ بارڈر پر ہوئے واقعات کے تانے بانے افغانستان سے ملے تھے ،

افسوسناک واقعات کے باعث پاک افغان سرحد بند کرنا پڑی ۔ مشیر خارجہ نے کہا کہ کرم اورخیبر ایجنسی میں تھوڑا بہت لینڈ رکارڈ ہے ، لینڈ رکارڈ کے بغیر فاٹا کے باشندے بینکوں سے قرض نہیں لے سکیں گے۔