راولپنڈی /پشاور(این این آئی)پاک فوج کے سربراہ جنرل قمر جاوید باجوہ نے مادر وطن کیلئے جان کی قربانی دینے والے شہداء کو خراج عقیدت پیش کرتے ہوئے واضح کیا ہے کہ ہماری زندگی اور ہمارا لہو پاکستان کیلئے ہے ٗ مادر وطن کے دفاع میں جان قربان کر نے سے بڑھ کر کوئی قربانی نہیں ۔ ڈی جی آئی ایس پی آر میجر جنرل آصف غفور کی جانب سے سوشل میڈیا پر جاری بیان کے مطابق گزشتہ روز ایف آر بنوں میں شہید ہونے
والے لیفٹیننٹ خاور اور نائیک شہزاد کی نماز جنازہ ادا کر دی گئی جس میں چیف آف آرمی سٹاف جنرل قمر جاوید باجوہ نے بھی شرکت کی ۔آرمی چیف نے کہاکہ ملکی دفاع کیلئے جان کا نذرانہ پیش کر نے والے شہداء کو سلام پیش کرتے ہیں ہماری زندگی اور ہمارا لہو پاکستان کیلئے ہے ۔مادر وطن کے دفاع میں جان قربان کر نے سے بڑھ کر کوئی قربانی نہیں ہے ۔
